استخدام قش الارز ف انتاج العلف الاخضر

السلام عليكم

انا حبيت اخد رايكم ف الموضوع ده لان دى الفكرة اللى ان شاء الله هاقوم واقدمها يوم الاربع القادم ف مادة اساليب نشر

ادعولى كدة الاول قبل ما نخش ف الموضوع

** من اهم المشاكل الملحوظة منذ فترة ليست بالقليلة هى مشاكل التربة ( امراض و اعشاب و زيادة ملوحة و .................... ) بجانب عدم توافر الاراضى الصالحة للزراعة
ولكن من خلال هذا المستحدث سنكون ف غنى _ الى حد كبير _ عن التعرض لهذه المشاكل
بل وستساعد بحد كبير جدااااااا ف التخلص من السحابة السودة التى هى من اهم المشاكل البيئية ف الوقت الراهن

** بكل بساطة هانجمع المخلفات الزراعية ونستخدمها كوسيط ( كبديل للتربة ) لانتاج حبوب الشعير التى تتميز بارتفاع قيمتها الغذائية وم ستواها البروتينى

** هل تعلم ان حجرة مساحتها 4*6 متر تكفى لانتاج علف اخضر يكفى لتغذية 30 حيوان يوميا وهو ما يحتاج الى قيراط من الارض الزراعية ف حالة الزراعة التقليدية

** ان هذه الفكرة تعتمد على الزراعة بدون تربة وهانطبق الحكاية دى على نوع واحد م المخلفات الزراعية الا وهو قش الارز علشان نكون اكثر تحديدا

انا هابدا بذكر المميزات الناتجة من تطبيق الفكرة دى واشوف ردودكم وهل الفكرة عجبتكم او لا
وبعدها ان شاء الله احط طريقة العمل وخطواتها .
ونشرح تفاصيل اكتر عن الموضوع ونغطيه بكل جوانبه ان شاء الله

المميزات فى سطور

1 * يمكن لاى مزارع تربية الحيوانات بدون الحاجة الى امتلاك ارض زراعية

2* تصلح ف الاراضى الصحراوية التى يقل فيها الماء او اراضى التصحر الحارة بل وايضا الاراضى التى يستحيل الزراعة بها كالاراضى الصخرية

3* توفر العمالة حيث يمكن لفرد واحد تشغيلها

4* سهلة التنفيذ

5* لا تتاثر بالتغيرات الجوية وتعمل طوال العام ( ضمنا علف طول اخضر طازج طول العام )

6* تعمل على استغلال قش الارز الاستغلال الامثل والاستفادة منه ف عمل علف والبعد عن التلوث البيئى

طب نخش ع التقيل بقى ركزوا كدة ف اللى جاى ده لانه السؤال الاهم اللى بييجى ف بال كل واحد

طب تكلفة تنفيذ المشروع ده

7*** التكلفة اقل ما يقال عنها انها منخفضة جداا جداا حيث تكلفة الكجم من هذا العلف 5 قروش وقيمته الغذائية تساوى تقريبا القيمة الغذائية للبرسيم الذى يبلغ تكلفة الكجم منه 60 قرش wow مما يؤدى الى :
............................ أ - خفض تكاليف تغذية الحيوان مما يءدى الى خفض تكاليف انتاج كيلو اللحم وكيلو اللبن
............................ ب - يمكن توفير الارض الزراعية التى يزرع بها البرسيم واستبدالها بزراعة ( القمح ) حتى نحقق اكتفاء ذاتى منه ومانستوردش من بره ونتحرر من تحكم الدول اللى بتصدرلنا القمح

طب ركزوا معايا قوى ف المعلومة دى والميزة الجامدة اخر حاجة
طبعا احنا عارفين قيمة قطرة المياه ...... ( قطرة مياه .... تساوى حياة ) وعارفين ان ف الزراعة التقليدية النبات ما بيستخدمش كل المياه اللى بيتروى بيها لان نسبة كبيرة منها بتمتصها التربة ونسبة اكبر بتتبخر اما ف الزراعة بدون تربة واستخدام قش الارز فاننا

8*******نوفر

98% من المياه المستخدمة ف الرى

ايوة صدق 98% حجم التوفير ف مياه الرى wooooooooooooow

طب بقى درجة التعقيد ومدى سهولة تنفيذها

انا عاوز اقولكم ان من درجة سهولتها ان ربات المنازل يستطعن تنفيذها ف اوقات فراغهم وده اللى هانعرفه بالتفصيل ف الحلقات الجاية

انا كدة خلصت عرض فكرتى وحابب انكم تشاركونى ارائكم واقتراحتكم قبل ما اروح اقدمه يوم الاربع ولو حد يقدر يضيف ويفيدنى ف الموضوع اكون شاكر له
بس قولولى رايكم واكمل ف شرح التفاصي ولا لا وهل هاتعجب الدكتور ولا عادية
معلش صدعتكم
سلام

i miss u

3aaaaash ya 7aaaateeeeem w t3eeeeesh w ywaafaar f al mayaaaaa
bs hyaaa aa al taareee2aa baaa2aaa 3awzaaa a3raafahaaa mooooooooooooooooot :d:d:d:d:d:d;)) Wink

)

بجد فكرة الموضوع حلوة وايجابية جدا اننا نفكر في المخلفات والحاجات اللي حوالينا ونستخدمها في حاجات تنفعنا لا وكمان تزود الانتاج
والاهم اني مستنية باقي الحلقة وعلى نار وياريت تجيب كمان صور والعيوب وتحضر نفسك عشان الاسئلة الكتيرة واللي متحوشة عندي.....
وكمان انا خايفة انك تحرق الموضوع بس يلا بجد يستاهل
Wink

الفكرة حلوة اوى يا محمد ومفيدة جدا كفاية بس انها هتوفر كل كمية المياه دى وكمان مش مكلفة بالمرة
وان شاء الله تعجب الدكتورة
يلا كمل وربنا يوفقك
ومستنين التقديم الجامد يوم الاربع باذن الله

STorM كتب:: 3aaaaash ya 7aaaateeeeem w t3eeeeesh w ywaafaar f al mayaaaaa
bs hyaaa aa al taareee2aa baaa2aaa 3awzaaa a3raafahaaa mooooooooooooooooot :d:d:d:d:d:d;)))))

شكرا على مرورك يا ستورم وان شاء الله الطريقة هاشرحها قريب قوى تابعى معانا

مي كتب:: بجد فكرة الموضوع حلوة وايجابية جدا اننا نفكر في المخلفات والحاجات اللي حوالينا ونستخدمها في حاجات تنفعنا لا وكمان تزود الانتاج
والاهم اني مستنية باقي الحلقة وعلى نار وياريت تجيب كمان صور والعيوب وتحضر نفسك عشان الاسئلة الكتيرة واللي متحوشة عندي.....
وكمان انا خايفة انك تحرق الموضوع بس يلا بجد يستاهل

شكرا يا مى وان شاء الله الموضوع هايدعم بالصور ومستعد لاسئلتك بس يا رب ما اتفاجئش بيها ف البريزينتيشن خليها هنا ف المنتدى احسن
ما تخافيش مش هاحرق الموضوع ولا حاجة ان شاء الله انا بس كنت عاوز اخد رايكم واسمع اقتراحاتكم وتكونوا كمان اول ناس يشوفوا الموضوع

MANAR كتب:: الفكرة حلوة اوى يا محمد ومفيدة جدا كفاية بس انها هتوفر كل كمية المياه دى وكمان مش مكلفة بالمرة
وان شاء الله تعجب الدكتورة
يلا كمل وربنا يوفقك
ومستنين التقديم الجامد يوم الاربع باذن الله

شكرا يا منار ........ دعواتكم بس معانا

تابعوا خطوات العمل والطريقة معانا ف الحلقات اللى جاية وانا ناوى اطبقها ف البيت عندى ان شاء الله
هاجيب العدة وابدا الشغل على يوم الحد وياريت لو كل واحد يحاول يطبقها عندو مش هاتاخد مكان وتسلية وقت فراغ وعلى فكرة تنفع ف اى محصول مش شرط العلف يعنى

جااااااااااااااااااااامد جدا يا محمد الموضوع ورائع فعلا طريقة مبسطة فى العرض وغير مللة
بس طبعا زى ما مى قالت لازم تدعمها بالصور اللى ليها علاقة وتقول العيوب وياريت تحاول كمان تجد حلول للعيوب دى وانت بتعرضها
يعنى انت عارف المشكلة وتحاول تجيبلها حل مقنع هايكون اجمل
وجميل جدا يا محمد

شكرا على مرورك يا نغم

اسف ع التاخير ف وضع خطوات العمل

خطوات العمل فى صورة سهلة ومبسطة :-

1- يتم نقع قش الارز ف المياه لمدة 24 ساعة وبعدها يتم تصفيته من الماء جيدا

2- يتم نقع حبوب الشعير فى المياه لمدة من 3 ل 4 ساعات وتصفيتها من الماء ايضا

3- يتم تقطيع قش الارز او درسه بحيث يكون طوله من 1 ل 3 سم

4- نقوم بتعديل نسبة الرطوبة ف الغرفة بحيث ثكون من 60 ل 65 %

5 - يتم توفير مصدر للاضاءة غير المباشرة

6 - مراعاة التهوية الجيدة للغرفة

7 - عمل ارفف من جريد النخل و الواح الخشب او الاسلاك وتوضع راسيا للاستفادة من المساحات الراسية

8 - يتم وضع قش الارز ف الارفف بحيث يكون سمكه من 10 ل 15 سم

9- يطرح عليها حبوب الشعير

بعد كدة بنفذ طريقة الزراعة العادية وخطواتها من حيث الرى والاضاءة وغيرها

يكون الشعير جاهز لتغذية الحيوان ف الفترة من 10 ل 15 يوم من زراعته

نؤكد ان الفكرة سهلة التنفيذ ولا تحتاج الى خبرة وانتظروا الصور